“O‘zcharmsanoat” uyushmasi hamda Xalq banki boshqaruvi hamkorligida mamlakatimizda charm sanoat sohasida faoliyat ko‘rsatayotgan tadbirkorlik sub’ektlari bilan ochiq muloqot tashkil etildi. Tadbirda korxonalar oldida turgan masalalar ko‘rib chiqilib, yangi invest loyihalarni amalaga oshirish yuzasidan tashabbuskorlar bilan fikr almashildi.

Dastlab, tadbirkorlarga qonunchilikdagi o‘zgarishlar, Prezidentning qaror va farmonlari asosida sohadagi soliq, bojxona imtiyozlar to‘g‘risida ma’lumot taqdim etildi. Xalq banki tomonidan yangi investitsiya loyihalar, mavjudlarini modernizatsiya qilish uchun ishlab chiqilgan imtiyozli kredit siyosati xususida axborot berildi.

Muloqotda hududlar salohiyatidan kelib chiqib invest loyihalarni joylashtirish, tayyor mahsulotlar ishlab chiqarish ko‘rsatkichlarini oshirish lozimligi qayd etildi.  Xususan, Qoraqolpog‘istonlik tadbirkorlar poyabzal va junni qayta ishlash bo‘yicha yangi loyihalarga Xalq banki tomonidan kreditlar ajratilishi bo‘yicha murojaat qildi. Ularning tashabbuslar o‘rganib chiqilib zarur moliyaviy ko‘mak ko‘rsatilishi ma’lum qilindi.

Ochiq muloqotda boshqa hududlardan ishtirok etgan tadbirkorlarning murojaatlari ham o‘rganib chiqildi. Ularga xuquqiy ko‘mak va moliyaviy yordam ko‘rsatish bo‘yicha qarorlar qabul qilindi.