Energiya tejamkorlik zamonaviy biznesda barqarorlik va iqtisodiy rivojlanishda muvaffaqiyatning asosiy omili hisoblanadi. Quyosh panellari energiya to'lovlarini 70% gacha kamaytiradi hamda atrof-muhit asrash imkonini beradi. Aynan shu maqsadda bugungi kunda mamlakatimizdagi charm sanoat korxonalari o‘z ishlab chiqarish quvvatlariga quyosh panellarini o‘rnatib kelmoqda. Natijada qayta tiklanadigan energiya natijasida an'anaviy manbalarga qaramlik kamaymoqda. Ishlab chiqarishda uglerod gazi atmosferga tashlanishi sezilarli pasaymoqda.

Xozirda “Magna sport” MCHJ, “Botir Muhammad Ali” MCHJ, “Peng Sheng” MCHJ, “Ravon Taraqiyot Orzusi” MCHJ, “Kamron poybzal” MCHJ va boshqalar tomonidan kuyosh panellar o‘rnatilib, 500 kVt-soat elektr energiya ishlab chiqarilishiga erishildi.

Korxonalardagi mavjud generatsiya quvvatlari orqali ishlab chiqarilayotgan elektr energiyaning o‘z ehtiyojidan ortgan qismi 50 ming kVt-soat tokni yagona elektr tarmoqlariga uzatish bo‘yicha ishlar boshlandi. Buning uchun “Top Quality brend” MCHJ elektr energiyasining o‘z ehtiyojidan ortgan qismini yagona elektr tarmoqlariga uzatish ishlari amalga oshirilmoqda.

Mahalliy korxonalar aniq bilishadiki bu boradagi ishlar eng avvalo raqobatbardoshlikni oshiradi. Xalqaro bozor ayni vaqtda ekologik tashabbuslarni ilgari suradigan korxonalar bilan hamkorlikka intilmoqda. Bu esa kompaniya obro'sini oshiradi va barqarorlikni qadrlaydigan mijozlarni jalb qiladi.

         Shuningdek, quyosh panellarini o'rnatish uchun moliyaviy imtiyozlar va subsidiyalar taklif qilinishi bu ishlarni yanda jadallashtirmoqda. Sohaga investitsiyalarni yanada jozibador qiladi.

Quyosh panellari bilan biznesingizni yanada barqaror va daromadli qiling!