“O‘zcharmsanoat” uyushmasi raisi Faxriddin Boboyev AQSH Charm va teri kengashi (LHCA) prezidenti Stiven Sotman bilan muzokaralar o‘tkazdi. Uchrashuv chog‘ida Amerika bozoriga charm mahsulotlari eksportini yo‘lga qo‘yish yo‘llari ko‘rib chiqildi.

Ma'lumot uchun: LHCA (Amerika charm va teri kengashi) - 2020 yilda qayta tashkil etilgan.AQSH da charm sohasida faoliyat yurituvchi 100 dan ortiq kompaniyalarni o’z ichiga olgan. Amerikada ishlab chiqarilgan charm va qayta ishlangan terilarning 90% eksport qilinadi. Tashqi savdo operatsiyalaridan tushgan tushum 2 milliard dollarni tashkil etadi.

Amerika charm va teri kengashi prezidenti hozirgi geosiyosiy sharoitda Qoʻshma Shtatlar hamkorlikni yoʻlga qoʻyish uchun yangi hamkorlar izlayotganini taʼkidladi. O‘zbekistonda LWG va SLF kabi xalqaro sifat sertifikatlari tobora ko‘proq joriy etilayotganini hisobga olib, kengash O‘zbekistondagi charm ishlab chiqaruvchi korxonalari bilan savdo hamkorligini yo‘lga qo‘yishga tayyorligini bildirdi.

Uchrashuv yakunlari bo‘yicha ikki tomonlama hamkorlikni mustahkamlash bo‘yicha o‘zaro kelishuv memorandumi imzolandi.

Ushbu muzokaralar doirasida LHCA a'zolari bo'lgan “Virginia's Leather Company” va “Imperial Tanning Company” vakillari bilan onlayn uchrashuvlar ham o'tkazildi. Korxonalar O‘zbekistondan terini qayta ishlashning II va III bosqichlari: “Krast” va “Finish” turlarini eksport qilishga qiziqish bildirmoqda. Muzokaralar natijasida teri namunalarini yaqin vaqt ichida kompaniya vakillariga yuborishga qaror qilindi.

LHCA rahbariyati, shuningdek, amerikalik charm ishlab chiqaruvchilar UzCharmExpo-Eurasia-2023 xalqaro ko'rgazmasida ishtirok etishga taklif etiladi.